Video
Read full review
2021-06-04
287 views
不得不長文負評一下從未試過去一間餐廳兩次，可以有兩次勁差既體驗！二月既時候：我地一家五口去，當時已經食完嘢，飲品仲有兩大杯，撞到朋友仔坐喺對面打卡位，我地就過去合照。影咗一陣相，口渴行返自己枱飲嘢，發現枱上所有嘢被清空，仲坐左其他客人入黎，而原本泊喺枱旁架寵物車，都被推離開到路中心。入座時收據顯示13:31，而我喺朋友枱影完最後一張相喺14:22，顯然我地冇超出餐廳75分鐘用餐時間。再講就算夠鐘，職員都可以提醒，而唔喺清空張枱再推走架寵物車趕客。當時臨近新年，唔想破壞心情去爭論，而且有其他行程，所以只喺離開就了事。就當第一次喺黑仔/新張不久真喺好忙，餐廳先會忽略其實客人仲未離開既問題，所以都無特別同朋友講第一次既體驗。同埋始終香港pet friendly既地方唔算多，夏天更想坐室內冷氣地方，所以再去一次，點知發現呢個地方並唔喺pet friendly，只喺pet allow！其中一位女股東直頭喺討厭客人既狗！詳情如下第二次去喺5月30日嗰日帶住🐶約左朋友。我地坐中間枱，朋友佢地第一次黎都想打卡，問定招牌打卡梳化位既客人走左既話可唔可以去影一影相？個位男員工好友善話可以，跟住個枱客走左佢
從未試過去一間餐廳兩次，可以有兩次勁差既體驗！
二月既時候：
我地一家五口去，當時已經食完嘢，飲品仲有兩大杯，撞到朋友仔坐喺對面打卡位，我地就過去合照。
影咗一陣相，口渴行返自己枱飲嘢，發現枱上所有嘢被清空，仲坐左其他客人入黎，而原本泊喺枱旁架寵物車，都被推離開到路中心。
入座時收據顯示13:31，而我喺朋友枱影完最後一張相喺14:22，顯然我地冇超出餐廳75分鐘用餐時間。
再講就算夠鐘，職員都可以提醒，而唔喺清空張枱再推走架寵物車趕客。
當時臨近新年，唔想破壞心情去爭論，而且有其他行程，所以只喺離開就了事。
就當第一次喺黑仔/新張不久真喺好忙，餐廳先會忽略其實客人仲未離開既問題，所以都無特別同朋友講第一次既體驗。
同埋始終香港pet friendly既地方唔算多，夏天更想坐室內冷氣地方，所以再去一次，點知發現呢個地方並唔喺pet friendly，只喺pet allow！其中一位女股東直頭喺討厭客人既狗！
詳情如下
第二次去喺5月30日
嗰日帶住🐶約左朋友。
我地坐中間枱，朋友佢地第一次黎都想打卡，問定招牌打卡梳化位既客人走左既話可唔可以去影一影相？個位男員工好友善話可以，跟住個枱客走左佢地清完枱就叫我地去影，放低個tea set同雪條+影相literally20秒都無，個位*紫色口罩女人*聽說係股東+比熊店長脾脾既主人就衝過黎用幾差既態度話：「影完啦唔好影啦，後面有客等緊張枱，你地等到既話咪等到佢地走先影」然後佢伸手想拎走個狗狗tea set，喺未影完既情況下聽到咁樣比人趕我地都番番自己張枱，後來發現原來個位等緊張枱既客人講無所謂可以比我地影一陣，睇返相片時間記錄，其實我地只係全程影左唔夠一分鐘，但*紫色口罩女人*表現到我地賴死唔走既反應
❷
16:00入座17:15佢提我地要走，我明白，但佢一講個一刻就要我地即刻起身走！
個狗tea set未食哂，佢1秒buffer都唔比就係咁趕我地走！比個紙杯叫我地入晒落去！羊奶啫喱加風乾雞柳一齊倒入佢個紙杯度？又話出面枱客趕住要入黎！出面枱客我地都識，佢地都喺出面食到一半都唔轉入去坐，最後我地拎個狗tea set出去出面朋友張枱餵！其間狗仔係地下食嘢，我地都即刻執返同用濕紙巾抹返個地下，但一路餵個紫色口罩女人一路啤住！
真係好委屈！點解要受呢啲對待？
❸
見到IG狗狗個個都喺門口個窗框度影相，咁啱嗰個位冇人坐冇人食嘢，我地唔知原來係唔可以，
所以我地都放喺個個位置影啦，
然後佢又係20秒內大大聲喝我地抱番走啲狗，話食環會捉。
其實你冷靜講就得，你既態度有必要咁差嗎？
❹
最嬲既事之一！
幾隻法虎喺地下跑同玩，佢地尿同poo完後，我地都有即刻用屎袋，紙巾，濕紙巾執同抹，幾枱既人都見住我地執，但個紫色口罩女人一直啤住 。仲係我隻狗屙屎後我聽到紫色口罩女員工勁大聲西口西面話藍色胸帶既狗仔屙左屎，主人馬上清理！
跟住到朋友隻狗屙尿，佢就又好大聲話你抱翻隻狗得唔得！我地已經拎執屎袋同紙巾去清理，但佢三番四次好似督察咁黑面鬧係地下屙屎屙尿既狗。亦聽住cafe大部分人係有同樣感受。
事後更係ig誣蔑啲🐶係短短75分鐘內係間餐廳屙左十幾次尿！仲識舉腳屙尿係其他客人個背囊到！
認識我三隻狗既朋友都知道佢地唔識舉腳屙尿，最近一次參加生日會三鐘，我三隻總數都屙唔到十次尿，更要誣蔑我放任隻狗屙屎屙尿後不負責任唔清潔！
你表示鋪頭有cctv，所以我亦要求約時間睇返cctv當面對質，但竟然黨鐵831上身，話私隱條例完事！
❺
我最嬲既另一件事！
有隻法虎係佢旁邊跑過，紫色口罩女人好大聲講：「diu ！」連你旁邊既顧客都呆左。
點解你要diu我地既狗？你確定你係pet friendly！？
❻
其他朋友食狗雪條都驚整污糟地方 ，帶晒所有狗喺街餵。我地成班人亦都唔係叫杯咖啡坐足一個鐘，剩係我地呢枱3個人+狗叫左8百蚊，都未計其他枱朋友，唔明白點解我地同我地既狗要受到紫色口罩女人呢種待遇？甚至乎係要被誣蔑，甚至diu狗！
經過ig story既朋友留言&
睇返open rice評價，
發現有好多朋友仔去呢間cafe，都有過好多差既體驗。
有部分都直指亦都受過某女員工既惡態度對待，唔知係咪都係講緊同一個人呢？
根據其他受過相類似待遇嘅人講，呢個紫色口罩女人好似只係星期六日假期先會見到，所以未必人人有咁深感受。
我地想講呢間cafe其他員工、食物、環境、idea 真係幾好，但一粒老鼠屎就整到成鍋粥壞了。
最後致其他股東同員工
多謝你地既招待！
因為你地既partner/老闆呢粒老鼠屎，我地唔會再幫襯，有緣其他地方再見👋🏻
Post