翠苑甜品專家 (保和大廈)

有一位女士態度好差，問咩講咩都語帶晦氣，得罪佢咁。嚟到叫嘢食，幫外國朋友一次過叫埋，朋友突然轉呔，我都講咗唔好意思，個女士啲語氣仲要單單打打，惡到我都疾一疾。叫咗海帶綠豆沙係融到一粒豆形嘅豆都揾唔到，成碗係一pat綠豆泥湯咁，唔係有啲海帶我會以為佢畀錯嘢我，賣相好難睇，食稀嘅糊仔咁，一啲豆嘅口感都冇。朋友嘅楊枝甘露亦唔好食，冇乜芒果味，同埋食得出係唔新鮮。真係唔建議去，唔好食又盞去俾佢鬧。同行幾位外國朋友，佢哋聽到佢啲語氣都問佢做咩咁嬲。佢真係好失禮。