帝苑軒

Open Now

Now Closed

即慶，去尖東逛逛，抱着妄想去香宮，當然又係無訂無位定律，想吓好久無來此處，又不妨來來，接待處叫我們轉左入，無帶位，過水池橋無,人招呼，要等西裝友看見才帶位，安排坐水池旁2人枱，其實屬於東來順的位置，內裏只有2,3枱客，其實東來順整體PACKAGE都算幾好。看著假山流水，曾幾何時，尖東風光，夜夜苼歌，大富豪，花都，canton……帝苑自助餐，子彈升降機，當年電視聖誕一定影佢，可等高尚，現在绍華已逝，花殘粉腿，我都係！香麻叉燒穌$68，空心老官，叉燒丁點，皮不多層次，朱古力畫花，想起永利軒及滿樂中菜陳皮叉燒穌，好味，好香，外型賣相，高層次多多。蟹子燒賣$68，略咸，肉彈，蝦咸，冬菇粒，蟹子粒唔夠鮮明。軟壳蟹腸粉$80，有卓頭，油香，脆中帶軟，有蟹香，腸粉粉質普通。白粥$25，軟绵，米無香，無米花，瑤柱無味，又令我想起滿樂中菜福果白粥，回味佢的正。究竟係食的經驗多咗，或是它仍然停留在那個年代？它沒有給你5星酒店水準。