Flagship

餓到個肚打鼓，嗌到成枱都係食物先記得望環境，靜靜地，牆角有酒架，有少少擺設。

章魚鬚燒到邊緣微捲，咬落去好有口感，好惹味。

卡邦尼意粉個蛋汁濃到黏住叉，煙肉碎脆身得嚟帶焦香，掛住食到鼻尖都沾到汁，每次去餐廳都會叫呢個意粉，呢個意粉係唔會輸。

牛肝菌飯一上枱就聞到d香氣，飯粒咬開有啲咬口，係我鍾意食嘅口感，菇片厚切有肉感，個汁收得剛好，用匙羹舀起會慢慢塌落。

眼闊肚窄嘅我，食完呢餐飯覺得已經好飽好滿足了。

1

中途仲加單飲多幾杯野飲，臨走先醒起有啲食物相冇影到，唯有下次去到再影。