Pici

Open Now

Now Closed

今次同靚女飯腳一齊再幫襯，竟然對呢間餐廳有另一番感受。朋友未到，可以去門口攞住飛先，等齊人就可以入坐。原來餐廳另一邊好開闊仲有好多位，似係商廈大堂間出黎既空間。由於好旺既關係，餐廳坐位安排比較近，有幾張三坐位圓枱安排喺走廊位，店員送餐行過，都會經常碰到客人。上次都係叫午餐，有starter+main+dessert ，加一杯cooler佢收我單點價錢。但今次問返店員，原來午餐只要加$30就可以要一杯cooler...感覺被騙了...今次餐牌唔同咗，要咗紅菜頭沙律+大蝦濃汁黑細麵+tiramisu 。朋友試松露意粉。紅菜頭沙律，一大碗血淋淋咁，份量足又新鮮，面頭既芝士就係成碗菜最有味道既一項配料👍松露意粉一樣咁正，鮮刨松露片令成碟意粉都好香，啖啖好滋味。大蝦濃汁黒細麵，半碟意粉炒亂，大蝦竟然碎上(?)，濃汁即是茄汁，黒麵即是墨魚汁細麵。味道唔錯，但凍咗，而份量只夠細胃口既OL...甜品繼續tiramisu，一大杯，份量足之餘，Mascarpone Cheese柔滑，lady fingers浸透濃香咖啡👍。*店員有點茫然，拎住碟大蝦意粉問隔離位有無點。雖然我即刻自首，但不獲投信任一票😂。結