Video
Read full review
2021-05-19
128 views
微醺，名字聽落有啲文青嘅感覺，但係呢度唔係一間咖啡店。店舖喺中環Soho區，一啲都唔難搵，長形店舖嘅盡頭係通往室外嘅露天範圍，好chill嘅感覺，不過當時有客人喺度，唔方便行出去影相。呢度嘅食物別緻又用心，waiter有禮又熟悉介紹各款食物同飲品嘅特性，上菜前又會簡單介紹，夠晒細心。小食半熟吞拿魚春卷，特別加上青瓜絲同紅蘿蔔絲，可以減低油膩感。半熟吞拿魚火候拿捏得夠出色，難怪咁多人點呢個前菜。主食點左份牛肝菌雜菌意大利飯，waiter特意提醒味道比較淡，但正好啱晒我！意大利飯做得creamy有咬口，加上牛肝菌同雜菌嘅香味，個人都幾鍾意食！另外點咗個慢煮西班牙煙肉豬柳卷，比我想像中嘅有份量，豬柳卷非常厚身，中間完全熟透但一啲都唔韌，呢個就係慢煮嘅好處！煙肉咸香唔肥膩，更欣賞個小甘荀，清·脆·甜。嚟到當然要飲番杯， Mocktail Joy Ng Joy有菠蘿、橙、同新鮮檸檬汁，飲落有一種清新而酸酸地嘅味道，好適合夏天！Signature Cocktail Jumanji，有日本威士忌，青瓜汁，同新鮮檸檬汁，on rock 上，濃烈得來又係有啲清新嘅味道，唔鍾意咁重味嘅可以慢慢飲，夏日推介
店舖喺中環Soho區，一啲都唔難搵，長形店舖嘅盡頭係通往室外嘅露天範圍，好chill嘅感覺，不過當時有客人喺度，唔方便行出去影相。
呢度嘅食物別緻又用心，waiter有禮又熟悉介紹各款食物同飲品嘅特性，上菜前又會簡單介紹，夠晒細心。
小食半熟吞拿魚春卷，特別加上青瓜絲同紅蘿蔔絲，可以減低油膩感。半熟吞拿魚火候拿捏得夠出色，難怪咁多人點呢個前菜。
主食點左份牛肝菌雜菌意大利飯，waiter特意提醒味道比較淡，但正好啱晒我！意大利飯做得creamy有咬口，加上牛肝菌同雜菌嘅香味，個人都幾鍾意食！
另外點咗個慢煮西班牙煙肉豬柳卷，比我想像中嘅有份量，豬柳卷非常厚身，中間完全熟透但一啲都唔韌，呢個就係慢煮嘅好處！煙肉咸香唔肥膩，更欣賞個小甘荀，清·脆·甜。
嚟到當然要飲番杯， Mocktail Joy Ng Joy有菠蘿、橙、同新鮮檸檬汁，飲落有一種清新而酸酸地嘅味道，好適合夏天！Signature Cocktail Jumanji，有日本威士忌，青瓜汁，同新鮮檸檬汁，on rock 上，濃烈得來又係有啲清新嘅味道，唔鍾意咁重味嘅可以慢慢飲，夏日推介！
Post
