Video
Read full review
2009-01-23
29 views
早兩日任總話金融海潚第二波已經沖擊緊香港嘅實體經濟，昨晚嘅飯局，引証了這一點。睇openrice嘅食評，這裡嘅消費係每人三百元以上，不過餐廳可能為咗應付金融海潚，推出優惠，客人可於餐牌中任擇兩款或三款菜(可以全部都係主菜)，價錢分別係$168及$218，光睇價錢已經相當吸引，亦感嘆呢場金融海潚所耗走嘅財富可其多！既然價錢係梗局，揀菜式當然係唔貴唔揀啦！一行四人，我揀咗個cold cut拚盤作為頭盤，太座與友人V不約而同叫咗鵝肝，至於友人J主菜當頭盤，嗌咗青口配薯條。cold cut唔少得有數款風乾火腿、醃製火腿等，質素不可算得上高級，風乾火腿有些根，其餘的也可接受。鵝肝有點兒老，沒有入口即溶嘅感覺，亦沒有鵝肝那股有性格嘅香味，是比較失望嘅作品。主菜各人口味皆不同：太座是劍魚扒；我是燒羊架；友人V是海鮮意粉；友人J胃口特別好，嗌了sirloin配薯條(又係薯條？)。燒羊架是一半熟，味道又唔錯喎，羊羶味豐盈，肉質亦十分彈牙，不過火喉控制仲差少少，部分羊架燒得太熟。羊架伴以青椒、薯仔粒及茄子，稍為煎過吓，亦十分美味；至於sirloin方面，見友人J吃得有點唔耐煩，不問也略知其味道一二；太座本
睇openrice嘅食評，這裡嘅消費係每人三百元以上，不過餐廳可能為咗應付金融海潚，推出優惠，客人可於餐牌中任擇兩款或三款菜(可以全部都係主菜)，價錢分別係$168及$218，光睇價錢已經相當吸引，亦感嘆呢場金融海潚所耗走嘅財富可其多！
既然價錢係梗局，揀菜式當然係唔貴唔揀啦！一行四人，我揀咗個cold cut拚盤作為頭盤，太座與友人V不約而同叫咗鵝肝，至於友人J主菜當頭盤，嗌咗青口配薯條。cold cut唔少得有數款風乾火腿、醃製火腿等，質素不可算得上高級，風乾火腿有些根，其餘的也可接受。鵝肝有點兒老，沒有入口即溶嘅感覺，亦沒有鵝肝那股有性格嘅香味，是比較失望嘅作品。
主菜各人口味皆不同：太座是劍魚扒；我是燒羊架；友人V是海鮮意粉；友人J胃口特別好，嗌了sirloin配薯條(又係薯條？)。燒羊架是一半熟，味道又唔錯喎，羊羶味豐盈，肉質亦十分彈牙，不過火喉控制仲差少少，部分羊架燒得太熟。羊架伴以青椒、薯仔粒及茄子，稍為煎過吓，亦十分美味；至於sirloin方面，見友人J吃得有點唔耐煩，不問也略知其味道一二；太座本來對劍魚扒有點兒期望，可惜未食其肉，已經有一陣魚腥味，太座吃了一半便放棄了。友人V對意粉評價也是不過矣矣。整體嚟講，水準一般而已。
食完主菜，我叫了一份焦糖燉蛋，焦糖用火槍燒得過咗火，除咗焦之外，仲有苦澀味，燉蛋也是水了一點。
還是算了吧，二百蚊多少少已經可以享用三道菜，我亦唔介意再幫襯，順道促進本地消費。
Post
