Video
Read full review
2020-12-07
449 views
2020年11月30日 星期一黎到11月嘅最後一日，突然又收到壞消息，因為疫情關係需要WFH，好多準備工作都要重新再做過，不過都冇辦法，唯有希望疫情盡快完結啦。。。所以今晚就同老婆食好啲安慰自己，去左尖沙咀食omakase一去到餐廳員工已經好親切，細心安排坐位俾我哋之後再俾餐牌，餐牌當然係omakase，有分3個價錢，最後我哋決定食豪啲，要最貴果一款等左一陣就有前菜送到，分別係合桃配魚干同酸薑配蒜頭漬，師傅話合桃魚干係日本既傳統前菜菜式，鹹鹹脆脆，用黎送酒一流，果然魚干帶出既鹹味同合桃幾配合，而酸薑就幾開胃之後有薄切鱆紅魚，完全睇得出師傅嘅功架，每一塊都切得好平均而且好薄，上面加咗少少柚子皮，點埋酸汁一齊食，更加帶出魚嘅鮮味跟住有北海道出產嘅蠔，呢一款蠔肉好爽脆，同平時食開嘅真係好唔同，有蠔味得黎又唔腥，真係唔錯終於到我期待已久嘅部份，就係大拖羅！！要知道靚嘅拖羅係香港係好難搵到，呢兩舊絕對係真材實料，因為入口即融，完全無筋，而且充滿魚肉鮮味，真係一食會上癮，無得彈！！至於呢一舊都係拖羅，雖然比起之前嘅大拖羅無咁大驚喜，不過味道都唔錯，仍然貫徹無筋，配合埋壽司飯，成個口都覺得好滿足然後
黎到11月嘅最後一日，突然又收到壞消息，因為疫情關係需要WFH，好多準備工作都要重新再做過，不過都冇辦法，唯有希望疫情盡快完結啦。。。
所以今晚就同老婆食好啲安慰自己，去左尖沙咀食omakase
一去到餐廳員工已經好親切，細心安排坐位俾我哋之後再俾餐牌，餐牌當然係omakase，有分3個價錢，最後我哋決定食豪啲，要最貴果一款
等左一陣就有前菜送到，分別係合桃配魚干同酸薑配蒜頭漬，師傅話合桃魚干係日本既傳統前菜菜式，鹹鹹脆脆，用黎送酒一流，果然魚干帶出既鹹味同合桃幾配合，而酸薑就幾開胃
之後有薄切鱆紅魚，完全睇得出師傅嘅功架，每一塊都切得好平均而且好薄，上面加咗少少柚子皮，點埋酸汁一齊食，更加帶出魚嘅鮮味
跟住有北海道出產嘅蠔，呢一款蠔肉好爽脆，同平時食開嘅真係好唔同，有蠔味得黎又唔腥，真係唔錯
終於到我期待已久嘅部份，就係大拖羅！！要知道靚嘅拖羅係香港係好難搵到，呢兩舊絕對係真材實料，因為入口即融，完全無筋，而且充滿魚肉鮮味，真係一食會上癮，無得彈！！
至於呢一舊都係拖羅，雖然比起之前嘅大拖羅無咁大驚喜，不過味道都唔錯，仍然貫徹無筋，配合埋壽司飯，成個口都覺得好滿足
然後有慢煮鮑魚配梳子蟹肉大根，鮑魚上面係用鮑魚乾煮成的醬汁，所以同鮑魚一齊食零舍配合，而且蘿蔔煮得好腍，仲充滿蟹肉味添
食壽司當然唔少得食海膽啦，冇諗到海膽嘅份量會咁多，咬落去有一陣陣海水味，係幸福嘅感覺呀
差唔多到最後嘅時候仲有個湯，裏面放咗昆布同大蜆，飲落去好清甜
甜品方面有時令生果，分別係北海道士多啤梨、香印提子同大分縣梨，全部都好爽甜，正好分解左呢一餐嘅油膩感
由於我哋喺優惠期內關注左餐廳嘅 社交平台專頁，所以埋單有九折優惠，感覺雖然有少少破費，不過真係好似返到日本食一餐咁
Post
