譚仔雲南米線 (港威商場)

Open Now

Now Closed

大辣泡椒酸菜魚湯米線配脆肉鯇，採用泡椒、青剁椒、指天椒製作，多層次辣度，不同麻、香、辣程度，食完好暖胃，酸菜口感爽口，味道酸甜，湯底味道酸辣、帶有鮮味，脆肉鯇口感爽脆，味道鮮甜，食落啖啖肉，米線口感爽滑。中辣香茜皮蛋魚湯米線配脆肉鯇，芫荽份量多，味道清甜，松花皮蛋口感滑溜，蛋香味濃，脆肉鯇肉質結實。巴蜀爽脆生腸，生腸爽滑、脆口，味道麻香十足，食落好惹味。蜀香肚絲豬肚，表面鋪滿芫荽、香芹、芝麻、香蔥、辣椒、花生、秘製辣汁，豬肚口感彈牙，食落好入味。凍豆花黑糖薑母茶，豆花口感軟滑，豆味濃香，黑糖薑母茶味道甜辣，但唔會太辣或太甜，好貼合年青人口味，似係一杯飲得嘅豆腐花甜品。菠蘿冰，菠蘿食落好Juicy，味道香甜，飲落好清爽。