一見到對靚靚鬼妹在門口歎露天食品，已經好有feel.，再上埋佢條長長的木樓梯
Roasted vegetable tower
一睇張相就知佢真係一個＂tower"，每層都有D不同蔬菜，可能因為有點醃菜，所以食落真係好burger feel；佢用厚厚的蕃薯當扒，仲有茄子，翠玉瓜等，加埋自製茄汁，好味！
Gado Gado Salad
有豆角、甘荀、芽菜、雞蛋及薯仔等，加上自製醬汁，得呀！
最開心係食到有機芽菜:)，因為坊間的芽菜好多都係用奇怪化學方法整成！佢仲有塊午餐肉，不是，是豆腐扒la!
Organic Risotte
多謝芝士，讓軟綿綿的意大利飯更具黏力更軟滑，內有椰菜花，蒜蓉等材料，好味
Life shake
綠油油的特飲，飲落清涼，好＂草＂！有機乳酪，木瓜，香蕉，螺旋藻，巧妙地混為一體後還隱約飲到各種生果味，而螺旋藻亦沒有預期腥:)
4樣嘢夾埋$400，好很飽！
［每份份量都不少，細食的朋友要小心點菜，以免浪費］
餐牌仲好細心將食品分類，標明是否有麥麩及不吃肉類製品等，照顧不同人所需
環境
好正！上一層有燭光之餘，設計佈置特別，有好似屋企的木框窗，又見到街景:)；如果係地面一層，仲可以坐在街邊，好有異國風情
小店
餐廳一樓有其他有機產品，包括自製蛋糕、小食及茶包等，可供選擇！現場所見，雖然係晚上９時，但都仲有人買。
如何前往
用半山行人扶手電梯上，好快就到；但離開時與電梯相反方向，所以可能要一級級行落山。不過食飽咗，慢慢行，又幾舒服
。
唯一美中不足係服務，唔知係咪我Ｄ英文唔好，服務員好似總係都唔到我講乜。。。另外，坦白而言，我冇特別去查核過餐廳所標榜的＂有機＂是出自哪一項有機認證；關心是否＂物有所值＂的食客要自行向餐廳查詢！
