Video
Read full review
2021-04-18
96 views
琴日去左位於T.O.P 5樓既柞木炭家, 同層都係走高檔路線既餐廳, 餐廳環境舒適,座位闊落, 特別中意佢既一排落地玻璃窗邊既卡位, 出面就係商場既空中花園, 極具空間感。另外餐廳仲有OUTDOOR AREA, 涼涼地既日子坐出面感覺更加CHILL。標榜柞木炭網燒既柞木炭家, 以網配合木炭, 燒起上黎唔會痴網, 有效鎖住肉汁之餘仲有炭香效果, 確係比一般韓燒更加吸引。食韓燒當然唔少得大堆頭既精緻前菜, 店員仲擺得好靚好整齊添! 特別一提依度D前菜都比一般既新鮮好味, 唔會擺左好耐既感覺, 另外仲有一缸泡菜可以自己剪黎食, 岩哂我依D主攻泡菜既人~~~~ 和牛三文治上網睇到依度個和牛三文治好似好正, 所以係燒肉之前特登order左一份食左先, 等緊既時候已經好期待~ 上枱既時候見到簡直口水流🤤厚厚既鮮粉嫩色和牛, 中間夾雜住雲石紋咁既油脂, 拎起一件輕輕一壓已經feel到舊和牛QQ彈彈, 超邪惡和牛外層有超薄既吉列皮, 再外層就係薄脆多士, 一啖咬落去口中係滿滿既和牛, 入口即溶得黎和牛既厚身而加強左口感,加埋薄脆香口既外層, 係難以形容既幸福美味王道套餐 ( 擔擔味噌茄子 紅蝦配
標榜柞木炭網燒既柞木炭家, 以網配合木炭, 燒起上黎唔會痴網, 有效鎖住肉汁之餘仲有炭香效果, 確係比一般韓燒更加吸引。
食韓燒當然唔少得大堆頭既精緻前菜, 店員仲擺得好靚好整齊添! 特別一提依度D前菜都比一般既新鮮好味, 唔會擺左好耐既感覺, 另外仲有一缸泡菜可以自己剪黎食, 岩哂我依D主攻泡菜既人~~~~
和牛三文治
上網睇到依度個和牛三文治好似好正, 所以係燒肉之前特登order左一份食左先, 等緊既時候已經好期待~ 上枱既時候見到簡直口水流🤤厚厚既鮮粉嫩色和牛, 中間夾雜住雲石紋咁既油脂, 拎起一件輕輕一壓已經feel到舊和牛QQ彈彈, 超邪惡和牛外層有超薄既吉列皮, 再外層就係薄脆
多士, 一啖咬落去口中係滿滿既和牛, 入口即溶得黎和牛既厚身而加強左口感,加埋薄脆香口既外層, 係難以形容既幸福美味
王道套餐 ( 擔擔味噌茄子 紅蝦配大墨魚 燒肉拼盤 海鮮豆腐湯 蜂蜜蛋糕)
擔擔味噌茄子惹味開胃。
紅蝦大大隻, 燒得香口。大墨魚非常厚身, 但估唔到一D都唔韌仲好彈牙, 比較中意醃製過個款, 味道香辣, 燒過後更惹味!
是日雪下覓炙四款包括牛肩肉, 牛胸腹, 牛板腱, 牛小排再配慶洲五花肉, 當中既牛部分仲分別有韓牛同和牛添! 當中最中意係牛胸腹同牛小排, 油脂靚入口滿滿油香, 肉質軟嫩~~ 無需花巧, 沾小小鹽已經非常好味!
至於慶洲五花肉店員由主動操刀, 五花脂肪勁惹火, 睇住舊肉係火中猛燒超吸引店員手勢純熟, 燒至焦香唔會overcook, 入口仲係好juicy而且唔覺得好heavy, 我自己就中意用菜包住黎食, 香口美味
熱辣辣標哂煙既海鮮豆腐湯材料豐富, 有蝦, 青口, 蜆肉, 豆腐同其他蔬菜, 湯頭有淡淡海鮮味, 香而帶微辣, 配上白飯一碗作湯飯食, 唔覺唔覺就食哂成碗飯
甜品係蜂蜜蛋糕, 雞蛋糕上淋上少少蜂蜜, 清甜唔會膩🍰
飲品方面叫左茱莉花茶同埋百香果蜜桃梳打, 清新又可以一解肉膩, 一路食一路飲就最岩
整體屬高質素, 值得回頭!
Post
