麦玉子 (Closed)

今日去觀塘APM超市買嘢，見到肚餓了，超市內有好幾間餐廳選擇，聽朋友說上次來過這間叫(麥玉子) 佢煮的蛋好出色㗎， 所以我們就入去試下，我們叫左: 咖哩吉列豬扒麥飯$68，可加$5追加味噌湯，$5咁 抵食當然要追加啦，味噌湯相當濃郁內有些蔥花很香，仲有一些爽滑海帶。 咖哩汁香滑而且有啲洋蔥絲 ，味道不是太辣只是微辣，吉列豬扒炸得很鬆化而且不油膩很香口，還有3件原味玉子燒，雖然蛋內冇料但蛋很滑 ，白飯內有麥米大大粒軟滑又有咬口，將啲咖哩汁和飯撈埋一起食， 很開胃而且麥米是高纖食物非常有益 又健康。芝士粟米玉子燒$59，這碟真係好好食，蛋內有芝士和粟米粒，芝士食時仲一絲絲淡淡的芝士香，雞蛋很香滑，初初以為有芝士會好膩 ，但是一啲都冇咁嘅感覺，仲越嚟越想食，加$23可叫和風豚肉野菜炒和味噌湯，都有幾多青菜㗎，同埋啲菜都好新鮮，豚肉薄薄一片片味道鹹左些，好彩有碗麥米飯，一齊食就剛剛好，不是太貴就可以食到飽飽，食到好飽好滿足，我一定介紹朋友去食的。+++++++++++++++如果大家喜歡💕我寫既食評，麻煩比個❤️鼓勵一下我，我會寫更多更好既食評比大家！😊