滿江紅小甜甜 (Closed)

餐廳位於旺角歐美廣場UG層，中式格局，地方闊落。涼拌海帶絲 ($38) - 可揀辣或不辣，少辣的海帶絲帶有好香嘅麻香味，口感爽滑爽脆，相當惹味開胃。麻辣魚腩煲 ($72) - 魚腩表面有預先炸過及稍為醃鹹，而仍然保持到魚肉的肉質及魚香味，配上麻辣汁，相當香口好送飯。涼瓜炒蛋 ($55) - 以煎的方法處理，雞蛋煎得相當香口又沒有太乾身或太老，入面的涼瓜煎得僅僅熟，保持到爽口回甘而無草青味，水準之作！砂鍋雲吞雞 ($148/半隻) - 大大鍋都夠幾個人享用。雞湯味道相當鮮甜，雞肉仍然嫩滑。薄薄的雲吞入面包有豬肉餡，味道鮮美。糖不甩 ($22) - 熱辣辣上枱，糖不甩面撒滿花生碎、椰絲及沙糖，食落既解辣又香甜煙韌。