糊里糊塗買左兩支手工啤酒飲邊行邊飲。當時仲係咁話太澀喇太澀喇咁。
今日約左男朋友去串酒里，入到去覺得似曾相識，原來我地從回舊地。不過今日係會坐底慢慢嘆。
店舖有戶外同室內，自己唔太喜歡食到一身都燒烤味，揀左室外。裝潢黎講室內既裝飾擺設都幾有心思。
對比起室內，室外就顯得HEA好多。如果要影相既當然室內燈光係會靚好多啦。
(室內)
(室外)
講返串燒先，種類多，有肉有海鮮蔬菜，特別既係佢一種食物會有兩種燒法或者唔同既醬汁。
例如一個辣一個就蒜蓉咁。都幾體貼。
第一個黎既係脆燒日本原條鰻魚，個人認為佢係必叫之選。不過改名為原條就.....點睇佢咁短都唔似有原條。
BTW大家唔好介意咁多，最緊要係師傅佢燒得靚燒得香。D皮脂燒到出晒黎，咬落每口都係肉。
D肉比D油包住，好舒服。仲要係$59咁抵食，你諗下$59想有成條鰻魚係難D既。
另外第二必食竟然係估你唔到既醬燒牛油新鮮粟米，我又係比到滿分。
男朋友食之前係咁講大陸D粟米先係最正既點點點。
最後食完又話人比得上大陸既粟米，出奇不意呀! 比佢估到就唔係食神啦....
蔬菜類仲有叫左惹味魚香燒原條茄子。
比起內地既水準都仲係差D，加上隻茄子唔係話好靚...SO FAR SO GOOD LA。
海鮮類就叫左黃金兄弟
黃金蒜蓉燒扇貝，真係好想再叫多兩隻...$59 有兩隻。真係好抵。
D蒜蓉其實我係倒晒入口，甜甜地，佢有落到牛油所以燒得好香，而且一D都唔會辣口。入面隻扇貝都唔錯，不過同蝦一樣有同樣問題就係有DD老。
最後最後就係今日既主角。牛舌。仲要係厚切呀師傅。
$59 四件既價錢黎講真係會令人想瘋狂食牛舌。(圖中其中一粒已被我男朋友食左)(之後吃太多變牛魔王了?)
我吃遍大中華既牛舌...今次係食過最最最最最令人難以平靜既一次。
厚厚既牛舌，你咬落去就好似食緊一粒牛肉咁，牛味出晒黎，加埋佢果隻誘人既甘味......
絕對要一試。
雖然自己唔係話太喜歡呢度既手工啤，不過以上既食物都係我食過覺得有保證先打出黎介紹既。
希望大家鐘意!
