茶聊 (Closed)

『茶聊』，唔好以為係中式餐廳，其實佢係有漢堡包及多國菜的西式餐廳，而且佈置得好骨子，好舒適，來咗一定會『爱』上它。自助式點餐係宜家好多西餐廳嘅模式，呢間亦不例外，係counter點完餐畀完錢就可以坐喺度等食。見到『原隻龍蝦包配薯條』，海鮮控我必點喇，來到雖然唔係我以為嘅成隻龍蝦上，而係拆咗肉分開擺喺两個包度，真係好，唔使自已拆肉論論盡盡，而且好啱同朋友來share食，唔錯，而且食得出龍蝦嘅鮮甜味；而『粉粉荷蘭汁煙三文魚牛油果賓尼迪』的擺碟亦好靚，亦係可以分享的好嘢。至於飲品，本想要『髒髒紫薯鮮奶』，無奈天氣凍，想飲D熱嘢，就叫咗熱嘅『紫薯鮮奶』，一樣睇得又好飲。