1132 Food Studio (Closed)

Lunch 時間經過呢頭，朋友帶左我黎呢間食，呢間餐廳響工廠大廈，入面有幾張4人枱，主要食客都係附近嘅打工仔，我地1點鐘黎到，有幾張吉枱，唔使等位就入得。午市餐牌主要有all day breakfast 同意粉，我就order 左個「香草雞肉青醬意粉」，$73 送埋野飲都算係咁。食物上得好快，等左大約5分鐘就有得食，份量同賣相都唔錯，有磨菇同洋蔥，雞肉幾滑, 青醬份量適中，均勻咁響每條意粉上面，唔會太乾或者太油，味道亦唔錯，亦都食到basil 味，但可以強啲，同埋考慮加入松子仁。總括黎講唔錯，抵食過好多工廈餐廳。