小魚兒 (富麗花園) (Closed)

天氣開始轉冷, 除咗打邊爐, 想惹味啲仲可以食四川烤魚。之前喺尖沙咀食過小魚兒, 原來將軍澳都有分店, 趁佢openrice訂座有85折, 即刻去幫襯下先！麻辣魚春魚卜豆花烤魚兩部曲。首先揀魚, 點咗鱸魚bb辣。跟住就選擇口味, 問店員原來魚春、魚卜唔係成日有貨, 咁啱今日有梗係要試下拉！烤魚先烤後煮, 外皮香脆散發陣陣焦香, 聞到都已經流口水。鱸魚肉質較為結實唔鬆散, 刺少啖啖肉, 加埋麻辣醬汁, 多麻小辣唔太鹹, 味道啱啱好！不得不提, 豆腐花燙過麻辣湯, 口感特別幼滑細嫩, 真係滑不溜口！我嘅至愛魚春, 份量又幾多, 唔腥口感濃郁醇厚, 跟麻辣十分匹配！魚卜爽口彈牙, 香辣惹味, 令人愈食愈想食！