餐廳環境
其實餐廳環境真心唔錯，佢有酒店應有既光暗度，另外酒吧入面果盞大燈係幾靚，有宴會廳既感覺，餐廳門口已經見到個感覺真係幾似西餐廳。
餐廳餐牌
餐廳餐牌只有兩頁食物再加drink menu，野食menu主要分為散點同dinner set，但我都朋友比較過之後最後想叫自己想食既，所以就係menu到就咁單點，無叫到set。
前菜+凱撒沙律 $49
凱撒沙律份量唔算話好多，但絕對夠食，個人覺得呢個沙律菜係可以的，上面既煙肉脆脆我都覺得正正常常，不過我覺得呢個沙律如果可以換另一隻醬，會更好味，因為餐廳用既呢隻醬係食落有酸味，同埋會飽既source，不過整體還是可以的。
意式辣肉腸配大蝦 $72
呢個意式辣肉腸配大蝦一上枱兒家好香，肉腸軟硬度適中，味道唔錯，大蝦就幾爽口，呢個價錢既小食尚可接受，不得不講既係辣肉腸真係整得幾好味。
香煎美式卡彊三文魚 $159
呢個三文魚係超級滑，應該係煮既時間控制得好好，入口基本上係即溶，本身又無咩骨(直頭係無)，連魚皮都整得好好食，我同朋友都好驚喜，酒吧竟然可以將三文魚整得咁出色，完全係外脆內軟，呢個真係必食之選！
西班牙式燒春雞 $159
燒春雞配上薯仔都好唔錯，首先係同魚一樣，真係外脆內軟，呢間酒吧令我懷疑佢地有個好好用既焗爐，醬汁唔算油，反而幾惹味，令人好好胃口，我同朋友都有笑住話，如果有飯就好哈哈！估唔到酒吧會食到高質燒春雞。
另外一提，估唔到我地食左一半，店員竟然幫我地換碟，真係值得一讚。唔好以為酒吧就無service，呢間真係不得了！
