約咗朋友好耐,本來唔想出去食…因為真係手緊,不過,既然大家咁耐無見就去吓啦。加上今次揀係堅火鍋,食評又幾好,真心都想試吓。六點半,一行人book咗枱,唔洗等位。原來舖位有啲細…不過,裝修都幾特別!我個人非常喜歡塗鴉藝術,所以,非常欣賞呢度啲畫!一個堅字,完全能夠話你聽店名!讚!
未踏入門口,就已經感到服務態度很好!因為剛好下雨,老闆人在門口,二話不說,接過我們啲傘,就話幫我哋放好,唔洗擔心!嘩…入到去,原來裏面仲有專俾客人放隨身物品既櫃!冬天啲大褸,完全唔洗煩要放係邊!
因為第一次嚟,連佢哋個大煲湯同細煲湯都唔清楚個size,老闆娘,煲都攞埋出嚟俾我哋睇…成個格局加上老闆,感覺真係好closey.
湯底,我哋點咗兩個唔同,一個係豬骨,一個係豬肚胡椒。朋友都大讚湯底好味,我哋打完邊爐仲不停咁飲…哈哈…老闆連放入湯啲材料都諗埋,以不影響湯底為前題!真心覺得讚。個人最愛芝士丸,其實其他地方都有…但係唔知點解,呢粒唔同,芝士香好多!忍唔住,成枱要encore呢個芝士丸。仲有串燒,雖然選擇唔多,不過調味剛剛好。
個人認為這裏真的是顧客至上,因為我朋友想要點的飲料都無,但係老闆都無同我哋講就自己去咗幫佢買,一句我唔鐘意客人唔開心,心都甜埋!抵佢生意好!因為有一個朋友會遲嚟,我哋都係自己講緊要去下場食甜品,仲愁緊要去邊,老闆又靜靜雞自己去幫我哋去攞menu,佢話可以外賣,我哋可以坐係佢舖食!真係貼心到呢~
順帶一提,佢哋有個冬瓜湯底,如果要呢個,要早一日預訂,下次嚟,真心要試下。佢哋旁邊仲有個舖位,其實唔大,不過,呢間裝修好有海邊fu~廁所係呢邊…哈哈,如果二十人才咗,可以包埋嗰邊。
The above review is the personal opinion of a user which does not represent OpenRice's point of view.
Like
Date of Visit
2014-05-16
Dining Method
Dine In
Spending Per Head
$190 (Dinner)