泰簡單

Open Now

Now Closed

意想不到的樓上泰菜！記得朋友介紹有一間樓上嘅泰國菜，幾好食，咁就去試試，地點好方便，地鐵站行過去都係4-5分鐘，有𨋢到三樓。一入去已經以為自己去咗泰國，樓底好高好有空間感，星期五去座無虛席，感覺唔會太迫，喺銅鑼灣區算係咁😉我哋點咗：椰子雞湯，好足料，啖啖充滿椰子香味，好開胃啊🤤菠蘿炒飯份量夠，炒到每粒飯都金黃色，有菠蘿香味，仲有蝦仁蔥粒，馬拉盞炒椰菜苗，椰菜苗好新鮮感覺爽脆，馬拉盞既鹹香味岩岩好，非常惹味。蝦餅有四件，每一件都非常之厚身，啖啖肉炸得唔會過火啱啱好，熱辣辣好惹味啊！飲品我哋都不約而同地想飲珍多冰，佢啲料好正中泰國口味，入面有好多珍多，仲有幾粒大大嘅椰果/椰肉，好啱一路食泰菜一路飲。最後留肚食個泰式芒果糯米飯，呢個係必食嘅，芒果夠多夠甜，一啲都唔酸，配埋煙韌嘅糯米飯食，感覺到口腔超香，正👍🏻😄非常豐富圓滿呢！呢度環境氣氛都好舒適。