Video
Read full review
2021-04-12
207 views
又到下午茶時間，最好就是和朋友來個TEＡ TIME，今次來到Da Filippo Trattoria，主要是知道呢度有個意式下午茶 Da Dolomites兩位用$328，就可以歎足六款特色鹹甜美點，加埋兩杯熱咖啡或茶，輕輕鬆鬆咁度過3個鐘。先講甜品三款，就有意式鮮果撻、提拉米提山，及朱古力曲奇餅；鹹點三款則有香辣波士頓龍蝦法式多士、煙三文魚牛油果酥餅及意大利風乾火腿青醬配水牛芝士。款款都各有特色，仲幾好味，個人就好愛，尤其是鹹點，當然甜點都不錯，不算甜。話明是意式鮮果撻，就有士多啤梨及黑莓，再以雲呢拿吉士醬伴底，入口香滑，口感都幾清新，加埋薄脆片仲更香脆。招牌甜品提拉米提山，雪糕杯的賣相，入口好滑溜，好想再Encore。朱古力曲奇餅，濃濃的朱古力香，入口又鬆化。意大利風乾火腿青醬配水牛芝士，放滿乳酪、車厘茄、青醬及新鮮羅勒，由於太大件不能一口咬下，所以分層食，個人就好愛。香辣波士頓龍蝦法式多士，在Brioche麵包上是波士頓龍蝦及鮮蝦，伴上香辣的醬汁，少少辣好惹味，仲好爽口彈牙。煙三文魚牛油果酥餅，鹹香的煙三文魚及加埋切粒的牛油果結合在一起，只能講一句好好味。Da Filippo T
又到下午茶時間，最好就是和朋友來個TEＡ TIME，今次來到Da Filippo Trattoria，主要是知道呢度有個意式下午茶 Da Dolomites兩位用$328，就可以歎足六款特色鹹甜美點，加埋兩杯熱咖啡或茶，輕輕鬆鬆咁度過3個鐘。
先講甜品三款，就有意式鮮果撻、提拉米提山，及朱古力曲奇餅；鹹點三款則有香辣波士頓龍蝦法式多士、煙三文魚牛油果酥餅及意大利風乾火腿青醬配水牛芝士。款款都各有特色，仲幾好味，個人就好愛，尤其是鹹點，當然甜點都不錯，不算甜。
話明是意式鮮果撻，就有士多啤梨及黑莓，再以雲呢拿吉士醬伴底，入口香滑，口感都幾清新，加埋薄脆片仲更香脆。
招牌甜品提拉米提山，雪糕杯的賣相，入口好滑溜，好想再Encore。
朱古力曲奇餅，濃濃的朱古力香，入口又鬆化。
意大利風乾火腿青醬配水牛芝士，放滿乳酪、車厘茄、青醬及新鮮羅勒，由於太大件不能一口咬下，所以分層食，個人就好愛。
香辣波士頓龍蝦法式多士，在Brioche麵包上是波士頓龍蝦及鮮蝦，伴上香辣的醬汁，少少辣好惹味，仲好爽口彈牙。
煙三文魚牛油果酥餅，鹹香的煙三文魚及加埋切粒的牛油果結合在一起，只能講一句好好味。
Da Filippo Trattoria 地址：尖沙咀廣東道 25 號海港城港威商場 3 樓 3203-3204A 號舖 電話：2117 1984
Post
