本身約左5個好友,趁住final exam 前聚一聚啦!
黎到尖沙咀之後,大家都冇乜idea 去食乜
行下行下,有人提起想去試pizza hut個新pizza
於是就黎左呢間鋪啦~
上到去,同一般pizza hut 一般格局
不過就比較少人
坐底,諗都唔諗就點左佢個新批的套餐
先上湯,足料
有一大舊三文魚,酥皮熱辣辣
再來又係例牌的小食同麵食
主角出場
大蝦沙律星芝批
佢個批邊係一條條的香腸,fit 曬我地呢d食肉獸
上面仲有大大隻蝦,焗到剛剛好,一d都冇硬口
味道幾新奇下,值得一試
食完個批,原來仲有抽獎的
中左張coupon,不過不失啦
不過最重要的係,佢的免費添飲氣水
因為成晚都係客量唔多,
我地6個由7點坐到10點都冇人趕
而且侍應對我地亦照顧周到
下次reunion,真係可以再返黎
