燒皇燒烤專門店 (Closed)

朋友話放工要黎呢頭買野,我就順勢搵埋地方食晚餐!一黎到就要求要坐樓上睇靚景!職員服務態度好,笑住話:梗無問題啦!餐牌有好多款揀,最後揀左呢幾樣!招牌一鍋雞,上個陣職員細心同我地講解,個煲要點整致會keep到香濃嫩滑又多汁既雞肉,先讚其細心!再讚雞肉的確好好食又滑,值頭似上一句形容既味道一樣!!再黎招牌燒茄子,相比其他店,呢間茄子更顯獨樹一格!未食先聞其香,灑係面既芝麻令茄子更加香口,仲有蒜同蔥吊味,味道好得！10個正！朋友本身唔食茄子試過都話ok. 呢度出野食都出得快,唔洗等好耐,價錢合理!各方面都有咁既水準,下次實會再黎!!