Video
Read full review
2025-08-18
327 views
平常返工日都少出街食，因為公司有午餐供應，不過，老同學約食午飯，當然應約出街食啦。地點通常由小弟負責，話晒中環我熟少少，今次過嚟「雲咸街」一間酒吧餐廳，因為環境好，方便食飯傾偈。近門口都喺啲高腳枱櫈，一片酒吧枱局，但行入少少，就見到唔少用餐卡位，餐廳呈長形，裡面原來好深，可以行到好入，最入面牆上仲有一排酒櫃。整體環境真喺唔錯，裝修予人感覺高雅，卡位闊落，坐得舒服，又有啲馬蹄形小圓枱。先俾個散點餐牌大家參考吓，作為一家雅致嘅高級餐廳，定價都唔平，不過，跟番同區比，如雲咸街一帶、蘇豪，其實又差唔多。之但喺，午市套餐就相對性價比高，兩道菜午餐配餐飲，視乎你揀配意大利麵定主菜，定價為$178 / $198。溫馨提示，部份菜式需另外加錢喔。Soup of the Day是日餐湯喺椰菜花忌廉湯，原來打算一個揀湯飲，一個食沙律，但估唔到個餐湯都幾大碟，夠兩個人共享，就大家分半試試。個湯質感夠厚身，卻不失滑溜感，配上少少烘麵包粒，唔錯！唔錯！Mesclun Salad沙律份量亦唔少，又喺夠兩個人共享，有別田園沙律，沙律菜加啲車厘茄咁，而喺仲加咗好多配料，例如爽脆嘅梨肉，香脆嘅胡桃粒，最正喺落咗好多羊奶
近門口都喺啲高腳枱櫈，一片酒吧枱局，但行入少少，就見到唔少用餐卡位，餐廳呈長形，裡面原來好深，可以行到好入，最入面牆上仲有一排酒櫃。整體環境真喺唔錯，裝修予人感覺高雅，卡位闊落，坐得舒服，又有啲馬蹄形小圓枱。
先俾個散點餐牌大家參考吓，作為一家雅致嘅高級餐廳，定價都唔平，不過，跟番同區比，如雲咸街一帶、蘇豪，其實又差唔多。
之但喺，午市套餐就相對性價比高，兩道菜午餐配餐飲，視乎你揀配意大利麵定主菜，定價為$178 / $198。溫馨提示，部份菜式需另外加錢喔。
Soup of the Day是日餐湯喺椰菜花忌廉湯，原來打算一個揀湯飲，一個食沙律，但估唔到個餐湯都幾大碟，夠兩個人共享，就大家分半試試。個湯質感夠厚身，卻不失滑溜感，配上少少烘麵包粒，唔錯！唔錯！
Soup of the Day
0 views
0 likes
0 comments
沙律份量亦唔少，又喺夠兩個人共享，有別田園沙律，沙律菜加啲車厘茄咁，而喺仲加咗好多配料，例如爽脆嘅梨肉，香脆嘅胡桃粒，最正喺落咗好多羊奶芝士，令到食味鹹鮮豐富，別具特色。
Artisanal Egg Tagliatelle 主食方面一客要意粉，另一客就要豬里肌。寬條麵全手工自家製，入口有韌勁，亦有蛋香，配以伏特加忌廉汁，有份醇香柔滑感，單喺食個麵條已好好味；此外，仲加入大量三文魚，灑下少少檸檬青同刁草，真喺睇起嚟簡單，實在有心思。
Artisanal Egg Tagliatelle
0 views
0 likes
0 comments
Iberico Pork Tenderloin 相中豬里肌都喺因為見佢嚟自西班牙貨色，自然喺質素同信心嘅保證，的確，入口鬆化有肉味，加上以露絲瑪莉香草醃得夠透，令每一口都滲出陣陣香草香；配菜就簡單少少，喺燉椰菜，不過，食落軟腍得嚟仲有種香味，唔喺就咁白烚可比。
Iberico Pork Tenderloin
0 views
0 likes
0 comments
Coffee & Lemon Tea我哋都打算額外叫客甜品試試，所以，小弟自然嗌番杯熱咖啡襯吓，杯咖啡好醇和，甚具香氣，細節位喺牛奶都喺熱過嚟，又配上一小件意大利杏仁餅，好食。老同學就要杯熱檸茶消吓滯，以整壺上，予人感覺就會變得高級咗。
Chef's Daily Inspire Dessert +$38是日嘅主廚甜品喺意式奶凍，雖然要額外俾$38，但絕對物超所值，面頭配上大量新鮮雜莓，再加半條意大利手指餅，賣相已經非常養眼，而奶凍做得口感滑溜，極富奶香，啲雜莓夠晒鮮甜，微酸鮮活，襯晒啲奶凍。
Chef's Daily Inspire Dessert
0 views
0 likes
0 comments
綜合而言，環境的確好，感覺非常舒服，尤其食晏，又唔嘈，傾偈最好；此外，招呼真喺好唔錯，位女侍應話頭醒尾，招呼熨貼，最緊要又有禮貌嘛！
Post
