茶餐廳2.0 (Closed)

今日嚟到愉景新城呢邊睇傢俬，睇完之後就係呢個商場解決晚餐。不過呢個商場普遍都係比較貴嘅食物，見到呢一間茶餐廳，價錢平民，一於就試吓啦。我就叫咗一個鐵板餐要在西冷牛扒9成熟。上邊仲有啲薯條同埋蕃茄，再配埋蒜蓉汁。至於我朋友就要左咖喱慢煮牛腩飯。我個餐加$10可以叫埋餐湯，係羅宋湯。飲品方面，因為我嘅咳仲未好返，所以要飲熱飲，就飲咗熱檸水。我朋友就要凍檸茶。見到佢呢度有即整嘅雞蛋仔做甜品，好少何啲茶餐廳有呢一個選擇，所以一於試吓佢要左個金寶蘋果雞蛋仔，原來上面仲有陪一球雪糕嘅，都幾好味。