金記冰室 (創紀之城五期(apm)) (Closed)

兩個人宵夜時間係apm搵野食，想食湯麵，發現選擇唔多，上到最高見到金記，聽聞質素唔錯，又比我見到個餐牌有米線，即入呀一入門口比個汽水櫃吸引住，係玻璃樽，即係回憶呀！坐低就叫左碗麻辣雞肉米線大辣，話到明要飲汽水，就叫杯黑牛跟餐！麻辣米線湯底夠香，雞肉同米線份量都唔少，好彩冇叫兩碗！但辣度就唔夠，呢個大辣應該係街外中辣既程度！個黑牛一上枱就好開心喇，樽裝汽水另上，一杯冰底加雪糕，玻璃樽就即係玻璃樽，特別夠氣，特別多泡！整體抵食！