Video
Read full review
2016-10-24
599 views
唔知點解,仲係喜歡 打風落雨先出街食好西。 星期二 落咗波同啲friend出去食嘢， 佢哋話去食陸陸雞煲 火鍋 ， 一齊烚下烚下 。 白布街係新分店， 去到第一眼覺得個裝修好日式， 門口成個1比1咁大嘅star war figure 棟住喺度招呼你, 裏面嘅裝修畫壁都好靚 。由於我哋得三個人 ，叫咗個細嘅bb 辣雞煲， 細嘅係有半隻雞，大嘅就成隻囉。 佢嘅辣度有bb辣、微辣、小辣、中辣、大辣比你揀， 我想小辣㗎，但個friend唔食得唯有揀bb辣啦！一落咗單就好快成煲送上枱， 當然一上枱都未食得住啦，要畀時間佢滾㗎嘛， 服務員會定時定候過嚟幫你睇下煲嘢食得未， 佢仲會幫你兜勻全部雞煲， 服務員大力由底一兜， 眼見全是大蔥洋蔥 等等嘅配料， 佢一兜立即芬香撲鼻，蔥蒜味直湧鼻孔， 香氣直頭挑逗緊我嘅味蕾， 聞到都立即覺得肚餓， 服務員來來回回開蓋翻蓋兜咗幾次之後， 終於食得， 真係等死人！眼見啲雞好肥美好多肉， 唔理三七廿一，個個都夾咗件雞擺入口食， 佢個雞確實惹味， 仲好入味， 個雞由廚房煮嗰一刻到擺上煲再擺上枱係咁滾到我哋放入口食-都仲好滑。 呢個bb辣第一啖放入口真係唔覺得食緊辣，
由於我哋得三個人 ，叫咗個細嘅bb 辣雞煲， 細嘅係有半隻雞，大嘅就成隻囉。 佢嘅辣度有bb辣、微辣、小辣、中辣、大辣比你揀， 我想小辣㗎，但個friend唔食得唯有揀bb辣啦！
陸陸雞煲(細) BB 辣
$148
65 views
0 likes
0 comments
眼見啲雞好肥美好多肉， 唔理三七廿一，個個都夾咗件雞擺入口食， 佢個雞確實惹味， 仲好入味， 個雞由廚房煮嗰一刻到擺上煲再擺上枱係咁滾到我哋放入口食-都仲好滑。 呢個bb辣第一啖放入口真係唔覺得食緊辣， 可以話冇乜料到， 但食食下佢個辣味係慢慢由個喉嚨到滲返出嚟， bb辣當然係小兒科啦， 我相信叫微辣或小辣食起上嚟加埋佢個雞汁一定會更開胃更刺激更好味。
食到咁上下係要加水打邊爐啦，肥牛打邊爐係必然之選， 我哋叫咗個牛三拼， 三拼包括 美國肥牛、手切牛肉同金錢展， 老闆仲送咗幾粒牛柳粒畀我哋試。 個人覺得最好味嘅係美國肥牛，因為最有牛肉味， 金錢展都唔差不過質地囗感都係美國肥牛好食啲， 手切肥牛就厚身啲， 不過牛肉味就較淡， 牛柳粒本身個味都不錯， 但太厚同滾好耐先食，食起上來比較粗糙同難咀嚼， 可以俾我揀都唔會叫牛柳粒！
陸陸牛三拼
$228
34 views
0 likes
0 comments
百花+咸牛芝士釀油條
$72
35 views
0 likes
0 comments
陸陸手打蝦丸及墨丸(雙拼)
$90
32 views
0 likes
0 comments
珍寶帶子
$90
29 views
0 likes
0 comments
鮮菜籃
$72
24 views
0 likes
0 comments
響鈴
$44
31 views
0 likes
0 comments
青檸梳打
$48
46 views
0 likes
0 comments
Post
