YA! YA! YA! BURGER & BAR (Closed)

朋友住喺旺角，地頭蟲既佢帶左我係旺角一間樓上餐廳食漢堡。呢間餐廳除左有普通座位，仲有包廂，如果人多既話可以包間房，一路唱K一路食野。打開餐單，見到有好多款唔同既漢堡，仲有啲主菜同小食，好吸引！我地點左邪惡芝士雙層安格斯牛肉漢堡，呢個漢堡入面有兩層厚厚既安格斯牛肉，勁惹味同juicy，仲有三層芝士、蕃茄、生菜同菠蘿，真係好豐富！另外仲點左蒜蓉燒生蠔，98蚊有半打，抵食！生蠔都幾大隻，而且好新鮮，用蒜蓉燒完之後好香口！仲有小食同啤酒。