喜記蟹將軍

Open Now

Now Closed

海鮮中 最鐘意係龍蝦同蟹🦀朋友約我去食蟹 二話不說衝住去😆今次去美麗華嘅喜記蟹將軍 店舖都幾大 而且設計有格調ꕥ 喜記正宗炒辣蟹有唔同size 亦有唔同辣度揀 我哋揀嘅係小辣 都已經夠晒惹味🌶️職員會幫我地拆開隻蟹 蟹肉鮮甜 最正當然係蟹鉗 大啖肉 而避風塘嘅炸蒜都好香口 忍唔住係咁𢳂嚟食😆ꕥ 喜記富貴蝦食咁大隻蝦真係好滿足🦐自選椒鹽/油鹽水浸或清蒸 鐘意惹味嘅推薦揀椒鹽 蝦肉又長又肥厚 職員同樣幫我哋剪開先 食起上嚟咁方便✂️ꕥ 豉椒炒蜆新鮮嘅蜆食起上嚟真係唔同啲 自帶鮮甜🥢每粒都有肉 乾淨冇沙 而且味道香濃得嚟 食極都唔會覺得膩 食唔停口👍🏻ꕥ 招牌蟹油炒麵麵炒得夠爽 吸收咗蟹油精華 香而不膩🤤面頭仲加咗啲蒜粒 味道再提升ꕥ 金銀蛋浸時蔬想食菜又想特別啲 呢款啱晒 金銀蛋即係皮蛋同鹹蛋 再加蛋白 賣相極為吸引 味道同口感有唔同層次✨莧菜幼嫩 而且份量都幾多 如果多啲人share食更好最後仲有番薯糖水做甜品🥄