新志記海鮮飯店 (Closed)

呢度係我本土十大推介之一。基本上如果有外國朋友想食所謂嘅廣東餸，喺九龍區就會嚟呢度。兩個人食咗九百幾蚊。打包都三盒。生炒糯米飯，冇得輸，香口唔油膩，飯粒分明，花生好香，臘肉份量亦都好充足！叫一碗，都食唔晒！油浸筍殼魚，係我嘅至愛，肉質鮮甜，炸到脆口，豉油熟油蔥花，雖然係貴啲，物有所值！金銀蛋白菜，咕嚕肉，蔥油雞，冇走雞！金銀菜豬肺湯，秋冬去補一補啦！仲有阿叔今日心情好好，見我飲得慢，又過嚟幫我不湯，明知我食到飽都暈仲堅持要我哋食埋今日個靚橙，愛死你阿叔！