Video
Read full review
2021-10-02
135 views
餐廳：丼燃食堂 (旺角)地址：旺角花園街3-5號鴻威大廈地下6號舖香港人出名鍾意食日本嘢🇯🇵，最近喺旺角見到呢間開咗一個月多啲嘅日式丼飯餐廳——丼燃食堂 @donyin.diner ，「當然」要去試吓喇🤣一見到餐牌就眼都唔停咁逐樣食物讀出嚟，因為啲丼飯名改得好盞鬼👻，老細果然好有諗頭🤪，月肝肝鰻魚丼、虎士山丼、丼燃係盲俠、挑機丼燃大胃王😂，唔知就咁望個名你又估唔估到係咩嚟呢？✝️乜蟹都有丼 $128呢個丼飯每日限量發售，賣晒就無，主要配料有蟹棒、蟹肉、蟹膏、蟹鉗、蟹籽同蟹蓋🦀，真喺講得出蟹嘅部份都有😋，仲砌成好似蟹嘅型狀咁，相當吸引😍，另外有五款醬汁可以揀，包括海膽醬、明太子醬、韓式辣醬🌶、蜜糖芥辣醬同芝士蟹籽醬，好豪華好好食啊🥰，呢個價錢絕對抵食❗️✝️九公丼 $178九公原來喺有九款材料，海膽、拖羅蓉、帶子、三文魚、三文魚籽、牡丹蝦、蟹肉、時令魚同壽司薑，餐廳將滿滿嘅食材整齊咁堆放喺壽司飯上面🍚，用料都幾新鮮，海膽嘅質素都唔差，鮮甜唔腥👍，無論你一次過撈勻所有刺身嚟食，定係逐樣逐樣撈飯咁食，都能夠食到不一樣嘅豐富口味😌✝️焦糖三文魚卷 $68估唔到$68都可以買到驚喜同快樂🤩，上枱後店員即
地址：旺角花園街3-5號鴻威大廈地下6號舖
香港人出名鍾意食日本嘢🇯🇵，最近喺旺角見到呢間開咗一個月多啲嘅日式丼飯餐廳——丼燃食堂 @donyin.diner ，「當然」要去試吓喇🤣
一見到餐牌就眼都唔停咁逐樣食物讀出嚟，因為啲丼飯名改得好盞鬼👻，老細果然好有諗頭🤪，月肝肝鰻魚丼、虎士山丼、丼燃係盲俠、挑機丼燃大胃王😂，唔知就咁望個名你又估唔估到係咩嚟呢？
✝️乜蟹都有丼 $128
呢個丼飯每日限量發售，賣晒就無，主要配料有蟹棒、蟹肉、蟹膏、蟹鉗、蟹籽同蟹蓋🦀，真喺講得出蟹嘅部份都有😋，仲砌成好似蟹嘅型狀咁，相當吸引😍，
另外有五款醬汁可以揀，包括海膽醬、明太子醬、韓式辣醬🌶、蜜糖芥辣醬同芝士蟹籽醬，好豪華好好食啊🥰，呢個價錢絕對抵食❗️
✝️九公丼 $178
九公原來喺有九款材料，海膽、拖羅蓉、帶子、三文魚、三文魚籽、牡丹蝦、蟹肉、時令魚同壽司薑，
餐廳將滿滿嘅食材整齊咁堆放喺壽司飯上面🍚，用料都幾新鮮，海膽嘅質素都唔差，鮮甜唔腥👍，
無論你一次過撈勻所有刺身嚟食，定係逐樣逐樣撈飯咁食，都能夠食到不一樣嘅豐富口味😌
✝️焦糖三文魚卷 $68
估唔到$68都可以買到驚喜同快樂🤩，上枱後店員即席用火槍點著三文魚卷周圍嘅固態酒精，成個碟即刻被炳著🔥，熱力幫焦糖三文魚卷升溫，炙燒三文魚上面嘅芝士同焦糖輕輕融化，
配埋包住玉子、青瓜同蟹柳嘅紫菜卷一啖放入口，焦糖同芝士香為三文魚調味，加上唔同食材嘅口感，真喺好幸福啊😚
Post
