我愛慢煮 (Closed)

放工相約好友到灣仔一間露營主題的餐廳，感覺就係好似去咗露營咁，但唔同嘅係有冷氣享受～哈哈～感覺都好chill😁我哋揀咗二人餐，有餐湯、餐包、沙律、小食、主菜、甜品同飲品，另外我地仲叫咗蒜蓉包，十分香脆惹味～餐湯我哋都揀粟米湯，有粒粒爽口粟米～沙律係牛油果蕃茄生菜，口感清新爽利～最適合一邊食炸物小食，炸芝士條、吉列蕃茄芝士、炸雞軟骨等等都即炸好熱辣辣～～紫蘇豚肉腸好正肉汁出晒嚟～嚟到主菜我哋就揀咗穀飼安格斯西冷牛扒同黑松露芝士通心粉，牛扒腍滑有牛味～仲伴有烤菜，烤蒜頭好香口惹味～通心粉質感軟硬適中，沾滿芝士汁食落非常滋味～甜品有三款好豐富，有小卷蛋蛋糕、雲尼拿雪糕、朱古力蛋糕，作為飯後甜品好足夠好滿足～再慢慢品嚐晚餐包埋嘅水果茶，一邊同好友傾一晚，人生好chill～