Video
Read full review
2021-05-19
37 views
💖簡直是個hidden gem!! 想每個星期都回頭！誠意100分全手工製作點心小店！好味+ 大份 +抵食💕-呢間私心推介，本人大愛的點心小店，位於虹方，係咪聽都無聽過😅（我都係），位處元朗邊皮，事實上是在朗屏站旁的朗屏8號旁😂無咩事都唔會經過，不過其實出港鐵站行去都係行幾分鐘👍🏻👍🏻-小店新開，不過由飲第一口茶果刻已有驚喜，係一杯唔錯嘅鐵觀音（可以揀其他）茶葉用網袋，老闆似乎係有要求的人！而當點心們逐一上桌後，簡直係驚喜浪接浪，雖則一盅得兩件但份量極大！每款點心食得出都係由小店手工製作，絕對誠意十足！！而且全都好好食 😋感覺老闆幾識食。8號蝦餃王（$19/2件），一粒蝦餃=人地兩粒啦，好抵食！ 同鮮蝦菜苗餃（$19/2件）一樣，皮薄餡靚，熱辣辣。海苔鮮蝦腐皮卷（$28/3件）入面係釀鮮蝦膠，勁正！木魚燒汁茄子（$25/3件）估唔到釀左勁厚彈牙墨魚膠，仲要好大件，真心好爽啊！蟹子燒賣皇（$18/2件）睇得出小店的心思與堅持，佢唔係用一般黃色的燒賣皮，而係淡色的，感覺好似較天然。鴛鴦鮮蝦網米腸（$35）樣貌精緻，好少見點心小店做呢款，網米勁脆，係咪睇見都想食呢🥴最後大推8號特色竹筒飯，寫
-
呢間私心推介，本人大愛的點心小店，位於虹方，係咪聽都無聽過😅（我都係），位處元朗邊皮，事實上是在朗屏站旁的朗屏8號旁😂無咩事都唔會經過，不過其實出港鐵站行去都係行幾分鐘👍🏻👍🏻
-
小店新開，不過由飲第一口茶果刻已有驚喜，係一杯唔錯嘅鐵觀音（可以揀其他）茶葉用網袋，老闆似乎係有要求的人！
而當點心們逐一上桌後，簡直係驚喜浪接浪，雖則一盅得兩件但份量極大！每款點心食得出都係由小店手工製作，絕對誠意十足！！而且全都好好食 😋感覺老闆幾識食。
8號蝦餃王（$19/2件），一粒蝦餃=人地兩粒啦，好抵食！
同鮮蝦菜苗餃（$19/2件）一樣，皮薄餡靚，熱辣辣。
海苔鮮蝦腐皮卷（$28/3件）入面係釀鮮蝦膠，勁正！
木魚燒汁茄子（$25/3件）估唔到釀左勁厚彈牙墨魚膠，仲要好大件，真心好爽啊！
蟹子燒賣皇（$18/2件）睇得出小店的心思與堅持，佢唔係用一般黃色的燒賣皮，而係淡色的，感覺好似較天然。
鴛鴦鮮蝦網米腸（$35）樣貌精緻，好少見點心小店做呢款，網米勁脆，係咪睇見都想食呢🥴
最後大推8號特色竹筒飯，寫明用金鳳米，呢晚食左鮑魚雞粒竹筒飯（$49），真係有隻可愛的珍珠鮑魚，雞粒滑，飯粒香，粒粒分明，連我平時夜晚唔食飯嘅都食左半份！
回頭率100%，期待下次再試其他點心。
Post
