上壽司 (Moved) New Location

知道呢間壽司店已開張數月, 但由於一向幫襯開元氣壽司, 板長壽司...等等連所店, 有優惠就會有少少情意結, 但總要試試新野, 好啦, 見佢唔駛等位, 就即管試試啦~食評如下 ~三文魚壽司 ~ 超超超薄! 三文魚唔單止乾, 凍冰冰, 而且超薄, 壽司飯比一般壽司店既體積細好多, 而且好多醋成舊飯幾酸, 朋友夾起塊三文魚, 響燈光下係半透明, 不禁讚嘆一句 : "師傅好刀法!" 玉子壽司 ~ 冰硬的玉子蛋, 酸到死既壽司飯, 一咬落口, 眼淚水都流埋, 差 !海膽壽司 ~ 好少海膽, 海膽下舖滿青瓜絲, 無甚特別.燒八瓜魚丸 ~ 唯一好食之選! 八爪魚丸頗大粒, 熱辣辣! 咬落原來每粒丸內都有 2 粒八爪魚肉, 係本人食過既八爪魚丸中最好味既!其他壽司亦不願置評, 總之壽司全部好細 size, 壽司上既材料好透薄好少, 而且壽司飯係幾酸既, 唔係人人接受到.服務方面, 客人埋單時不斷問人有無會員卡, 但問佢點樣成為會員又答 "未知", 真係令人廢解.衛生方面, 雖然係新裝修, 但微細地方可見衛生欠佳, 抹枱布好臭, 侍應比較懶喜歡將枱上唔覺眼東西抹落地下, 製作壽司既地方, 天花冷氣機響