Video
Read full review
2020-01-16
22 views
茶係一樣好神奇既食物，因為惜茶者自然會搵到佢珍惜既地方，而且會好長情，遇到靚既茶葉、飲到一杯靚茶既感覺就好似如獲至寶咁，茶都可以話係亞洲人唔少得既文化，點解將文化帶到新一輩既人心目中相信都係唔少人既願望。行過尖沙咀有大大小小唔同既茶飲店，作為一個成日都想試新野既👦🏻梗係唔放過每一間店既機會，行過金馬倫道一直都見到呢間茶飲店，於是就搵日試左🤤普洱奶茶 由細到大都跟屋企人一齊去茶樓飲普洱，所以有種情有獨鍾既感覺，雖然人越大接觸更多唔同既茶種，當然會有啲改變，但係始終對普洱就係有份回憶存在，呢杯普洱珍珠奶茶飲得出濃濃既普洱茶香，雖然茶味好突出，但配埋鮮奶一齊飲既味道都幾夾，唯獨有少少飲得唔夠爽快既係啲珍珠成日塞住係飲管度🙁雙花香片呢杯係好出色既茶飲，香片茶味夠清香，同茶樓飲開既一定差好遠，飲得出有層次既茶，而且就算凍飲都一樣咁正🤤每次都會透過以下6大方面評分(滿分:30分)味道 : 3.75 / 5環境 : 3.75 / 5外觀 : 3 / 5價錢 : 3.25 / 5服務 : 3.5 / 5 回頭率 : 3.75 / 5總分 :21 / 30性價比：鐘意飲茶既朋友仔一定會鐘意呢間茶飲店，因
行過尖沙咀有大大小小唔同既茶飲店，作為一個成日都想試新野既👦🏻梗係唔放過每一間店既機會，行過金馬倫道一直都見到呢間茶飲店，於是就搵日試左🤤
普洱奶茶
由細到大都跟屋企人一齊去茶樓飲普洱，所以有種情有獨鍾既感覺，雖然人越大接觸更多唔同既茶種，當然會有啲改變，但係始終對普洱就係有份回憶存在，呢杯普洱珍珠奶茶飲得出濃濃既普洱茶香，雖然茶味好突出，但配埋鮮奶一齊飲既味道都幾夾，唯獨有少少飲得唔夠爽快既係啲珍珠成日塞住係飲管度🙁
雙花香片
呢杯係好出色既茶飲，香片茶味夠清香，同茶樓飲開既一定差好遠，飲得出有層次既茶，而且就算凍飲都一樣咁正🤤
每次都會透過以下6大方面評分(滿分:30分)
味道 : 3.75 / 5
環境 : 3.75 / 5
外觀 : 3 / 5
價錢 : 3.25 / 5
服務 : 3.5 / 5
回頭率 : 3.75 / 5
總分 :21 / 30
性價比：鐘意飲茶既朋友仔一定會鐘意呢間茶飲店，因為佢係百年茶葉品牌「英記」旗下既年輕品牌，下次👦🏻會想飲下奶蓋系列，下次見啦🤤
Post