大滿喜日本料理 (Closed)

一向喜歡食日本放題嘅好友生日，要同佢慶祝。佢提議去番之前佢食過嘅觀塘亞太中心大滿喜日本料理放題，趁生日再食過番尋味。四週環境乾淨，座位寛闊，牆壁上掛著金屬物料製造成多條錦鯉魚,生動的體態正在游來游去；令餐廳充滿生氣。放題必食嘅魚生有三文魚、油甘魚、北寄貝、北海道鮮帶子、赤蝦、希靈魚、赤貝同劍魚腩等等，入口豐腴鮮美。奶白色嘅海鮮牛乳鍋，湯料豐富，令牛乳同海鮮味突出。湯類都有幾種，其中一款養生人參雞湯係我最喜歡。芝士焗開邊大蝦，香氣四溢，肉質鮮嫩。好友喜愛燒鰻魚同燒波蘿話波蘿酸甜可平衡膩滯感；係敢encore。仲有多款甜品、雪糕同雪條，食物包羅萬有。難怪好友對呢間大滿喜情有獨鍾。