有情有意 (Closed)

紅磡相信大家平時都比較小去,更莫講話係度搵食,今日同小胖女咁岩黎呢頭行開街,就搵到間好有特色既餐廳食飯,首先餐廳係由社企經營,部份職員係聾人或弱聽人士,所以坐位上都有好多提示同牌仔教客人如何落單或者要求服務既手勢教學,順便有簡單手語教學比食客,咁當然黎到唔係學手語啦,落order叫左兩個set,一個安格斯肉眼扒同一個煙三文魚扁意粉,面頭有飛魚籽跟餐有送餐湯同飲品,南瓜忌廉湯飲落清淡,味道十分開胃之後上扁意粉,造型賣相好吸引,味道適中,份量都好夠兩人分黎食再上就係肉眼啦,叫左5成熟,一切就飛哂d肉汁出黎,配埋醬汁食淡淡肉好正,各位黎開不訪可以支持下,職員好有熱誠,味道同價錢亦都相當相宜