呢間cafe雖小,但係梳化位好舒服,仲有好多board game一類俾你揀~
實在係一堆朋友或一家大細hea下嘅好地方~
呢個炸蟹餅有啲辣辣地,但更多嘅係泰式香料嘅香味~
以為呢啲主打俾人玩board game同hea嘅cafe嘢食會好頹?
佢嘅煙三文魚意大利粉有驚喜🍝
仍然有咬口唔係煮到過晒龍軟趴趴嘅,而忌廉汁都足夠~
我幾鍾意呢個西西里pizza🍕,上面嘅火箭菜夠新鮮又清新🥬~
佢啲芝士夠多,而且咬落煙煙韌韌,一上檯無耐就食晒了🙈
樓上cafe又點可以唔叫嘢飲🥤?
我去親必點係薄荷朱🍫!
唔會太甜,但又有好香嘅薄荷味同朱古力味~
而檸賓就正常嘢🍋,比著我會試其他特飲😂
呢度嘅嘢食唔錯又企理~
而且啲店員唔會喺度望嚟望去,食嘢同玩無壓力,下次朋友聚餐都可以再嚟~
1
