呢排食飯點都想飲杯野，行經Zai Fe 齋啡見有開就入左去～
紅日間店果然冷清清，透過玻璃門口見到店員坐左係度，但我一入店佢就好殷勤咁招乎我～
麵包可以揀法包或者軟法包～而內餡有幾款（詳細我唔係好記得）我就揀左三文魚牛油果軟法包！店員做做吓問我係咪堂食我話唔係，佢就話"本來仲諗住洗隻杯裝飾得靚靚地咁俾你"！因為我想悠悠閒閒咁係屋企一路睇劇一路食所以就叫外賣，如果唔係既話堂食應該會裝飾得靚Ｄ！
由於佢係即叫即做，同埋得一名店員，所以要等一陣...但睇住食物係點整出黎都幾開心！
首先出爐既係Blueberry jamtini！
見到野食就會即刻食既我急不及待食既我當然立即就飲o淡！第一o淡覺得幾甜...之後店員提點我要拌勻先飲！拌勻後清清淡淡藍莓既甜味同梳打水混合得好好～返到屋企先見到杯底有粒粒藍莓～上至下咁睇由淺到深色好有層次～
之後出爐既係三文魚牛油果軟法包！餡料唔會太多唔會太少～唔鍾意食Ｄ會溜曬出黎既包所以食呢個令我好滿意，不過味道就唔係話好特別。
臨走時店員送上親切既笑容，加分！
整體黎講8/10！如果價錢平Ｄ我諗我會更常光顧！
