Be Leaf (Closed)

今日同朋友去觀塘拎貨，走個陣經過呢間餐廳，比佢門口多個打卡位吸引住，裝修以波希米亞風為主，好舒服既感覺，本身諗住去返apm食晏，無諗過工廠區竟然有間咁靚嘅餐廳，我哋即刻異口同聲話要食呢啲間，其實係想入去打卡，一入到去，最吸睛係吊椅打卡位，真係點影都靚,開心到不得了！我哋叫左兩個套餐，秘製蘇梅蛋黃醬焗美國特級豬梅扒伴燒汁，一黎到見到小店擺菜式非常用心，湯同沙律都係高質素之作，特別個湯真係好濃郁，好飲！豬梅扒好厚身而且非常淋滑配秘製蘇梅蛋黃醬酸酸甜甜好開胃好特別，不得不說一下自家製焦糖餅咖啡，飲落去好香滑，焦糖餅會慢慢溶化，每次飲落去都唔同層次，一定要試。另外我朋友叫咗個煙三文魚菠菜忌廉意大利飯，好creamy，好好味，意大利飯煮得岩岩好，煙煙韌韌有咬口，而且吸收左醬汁更美味。Grapefruit summer 杯飲品望落去顔色好靚，好清新嘅感覺，啱晒夏天飲！估唔到裝修咁靚既餐廳，食物同服務都一流，一啲都唔伏，值得推介。