今餐想食豐富啲，所以叫左個套餐。如果覺得太多都可以散叫，不過套餐就抵食好多
雙人日式套餐🎎 $528
⚡️炸雞與台式五味醬🍗
炸雞醃得入味，雞肉嫩滑亦冇炸過龍，咬落去仲有肉汁，外皮脆卜卜，味道似唐揚炸雞。五味醬帶酸甜味，有少少似港式咕嚕肉汁，配炸雞食令炸雞食落冇咁漏
⚡️熱炒魷魚拌明太子醬🦑
魷魚好大碟，份量都幾多，每一片都覺得好有鮮味，肉質爽口。明太子醬夠濃，味道鹹香，配飯一流👍🏻
⚡️京蔥檸檬味豬腩🐷
豬腩肉肥瘦均勻，加埋檸檬汁仲解左果陣油膩感。上面嘅京蔥令豬腩味道清爽，配埋側邊個甜酸醬黎食，完全唔覺膩
⚡️茶漬兩碗 溏心蛋🍚
茶漬兩碗都係唔同味道，一碗係明太子茶漬飯，另一碗係鮭魚茶漬飯。明太子飯湯底較濃，配料就有蕃茄，飯粒用左珍珠米，淨係食佢都好夠味。而鮭魚茶漬飯就有京蔥同鮭魚等等嘅材料，相對另一款茶漬飯較淡，但亦好夠味，連埋蔥粒食更加有口感同刺激味蕾🤩
⚡️炙烤鮪魚佐芥末蛋黃醬🐟
鮪魚皮烤到脆面，魚肉就保持魚生嘅口感，唔會過熟。上面加左少少和風醬汁同蛋黃醬，味道偏甜
⚡️涼拌毛豆
加左蒜蓉落去拌勻，毛豆略為有啲啲淋，味道正常
⚡️三種小菜
兩款漬物都係一啲開胃小菜，酸酸地，幾醒神，顏色夠晒colourful 。而蠔仔🦪就係甜甜地，少少似壽喜燒味
⚡️焙茶芝士蛋糕
最後以焙茶burnt cheesecake 作結，畫上完美句號。蛋糕大約一個杯口咁大嘅size，口感軟滑，芝士味濃，少少搶左焙茶味。除蛋糕底加左焙茶之外，仲附上左一杯仔嘅焙茶奶醬，倒左落去之後就令到焙茶味出番黎，平衝番下面蛋糕個芝士味，所以個醬係精髓🤩滿足
