Video
Read full review
2017-05-01
264 views
I am ChocoNat @ daydreamerss. 平時放假最鍾意同男友 (外號Mr. Wu Chu )食平靚正嘅下午茶，呢一日就黎到元朗YOHO MALL！一入商場就會見到APPLEGREEN，今次已經係第三次黎，同樣都係叫2人Tea Set ！一眼睇哂成個set有啲咩我同Mr. Wu Chu都覺得係全個set最好食嘅係薯條，夠熱夠新鮮，又唔會淋姐姐，最重要係份量非常足夠，兩個人share食都唔駛就住就住！薯條上面灑左啲類似燒烤味薯片嘅粉，食起上黎幾惹味，如果啲粉嘅份量再多少少會更好。第二好味就係個迷你漢堡，夠熱又唔會太乾！除左漢堡，仲有兩個迷你煙三文魚牛角包。特別之處在於牛角包上淋有蜜糖，我自己就本身鍾意食煙三文魚嘅，所以嫌蜜糖太甜，遮哂煙三文魚嘅味道，所以如果你本身唔鍾意煙三文魚濃烈嘅味道，可能會接受到食呢款牛角包。另外有兩小盤小食，好的骰。 一盤係芝士通心粉，食過三次呢個set，三次個通粉都係凍的，味道好普通。至於另一盤係巴馬火腿露筍，正常味道，冇咩特別。感覺上呢兩盤野嘅角色都係幫個set湊夠數，好似多啲野食好睇啲咁，但以味道黎講就誠意欠奉。最後就係甜品，兩件Choc
一眼睇哂成個set有啲咩
29 views
0 likes
0 comments
我同Mr. Wu Chu都覺得係全個set最好食嘅係薯條，夠熱夠新鮮，又唔會淋姐姐，最重要係份量非常足夠，兩個人share食都唔駛就住就住！薯條上面灑左啲類似燒烤味薯片嘅粉，食起上黎幾惹味，如果啲粉嘅份量再多少少會更好。
11 views
0 likes
0 comments
第二好味就係個迷你漢堡，夠熱又唔會太乾！除左漢堡，仲有兩個迷你煙三文魚牛角包。特別之處在於牛角包上淋有蜜糖，我自己就本身鍾意食煙三文魚嘅，所以嫌蜜糖太甜，遮哂煙三文魚嘅味道，所以如果你本身唔鍾意煙三文魚濃烈嘅味道，可能會接受到食呢款牛角包。
另外有兩小盤小食，好的骰。 一盤係芝士通心粉，食過三次呢個set，三次個通粉都係凍的，味道好普通。至於另一盤係巴馬火腿露筍，正常味道，冇咩特別。感覺上呢兩盤野嘅角色都係幫個set湊夠數，好似多啲野食好睇啲咁，但以味道黎講就誠意欠奉。
12 views
0 likes
0 comments
最後就係甜品，兩件Chocolate Brownie，邊位較脆，朱古力味濃，個人認為蛋糕size啱啱好，細細件，唔會太漏！
28 views
0 likes
0 comments
呀 我餐飲揀左Lemonade
54 views
0 likes
0 comments
總括黎講，2人tea set，$128 凍飲唔駛加錢，加一後 $144，餐廳環境唔錯，係傾偈嘅好地方！
補上Tea嘅Menu俾大家參考。
Other Info. :
除左2人Tea set，佢仲有普通Tea set提供，價錢都係$50左右，就算放假約唔到friend，自己一個去食都唔怕冇野啱^^
(The above review is the personal opinion of a user which does not represent OpenRice's point of view.)
Post
