嚐越 (Closed)

上個星期四難得放假，相約朋友去東涌行街，下午茶時間見到嚐越有對出窗口位坐，地方都似幾寬敞，就入左去嘆返個下午茶，順便傾下計。本身住葵涌，試過幫襯葵芳嚐越，記憶中食物都唔錯，今次黎到東涌，估唔到地方大咁多，座位同環境都好舒適，最鐘意把木製吊風扇，好有越南風味，加埋餐廳內悠閒既音樂，岩晒我放假既輕鬆心情。講返食物，2個人各自嗌左個茶餐，選擇都幾多，我叫左個咖喱雞扒湯檬，一黎到見到個賣相已經知道無揀錯，咖喱汁好香好惹味，雞扒亦都煎得好香，而且肉質鮮嫩，檬粉份量唔少，咖喱湯底好味到我最後飲晒。朋友叫左個香茅豬扒+煙肉蒜茸包+迷你撈檬，豬扒煎得好鬆脆，迷你撈檬雖然份量少左，但係都無偷工減料，下午茶可以試到咁多款食物係開心d，見朋友食得滋味都試左少少，味道都唔錯。傾計傾耐左，見到餐廳有甜品，就叫左個焦糖燉蛋試下，估唔到反而最有驚喜，甜品以圓形既器皿盛載，面頭放左粒士多啤梨做裝飾，賣相簡單，燉蛋面既焦糖薄層好香脆，燉蛋個質感好柔軟，最緊要係蛋香同奶味濃郁，估唔到係一間越南餐廳可以食到一個咁高質素既焦糖燉蛋，兩個人食一份，個人認為份量岩岩好唔會太膩。埋單加一後兩個人合共$13X左右，下午茶黎計價錢唔算