Espresso Alchemy

Open Now

Now Closed

行山前享受一下，我覺得會特別精神爽利😆，行山都行快啲。周日約咗朋友行「元荃古道」⛰，食返個大早午餐先，今日好好彩，有窗口位，光猛舒服，好開心😄。🍰合桃咖啡蛋糕$30口感微溫嘅合桃咖啡蛋糕，蛋糕綿密又扎實，充滿咖啡香氣，再配一口我嘅拉花咖啡，即刻精神爽利～🌿☕️ Flat White (大) $43拉花好靚，牛奶泡沫細滑而綿密，每一口好有幸福嘅感覺❣。🐓火雞胸蕃茄三文治配希臘乳酪醬$79睇咗一陣餐牌，最後都係選咗呢個三文治🥪，因為份量夠大，我覺得好抵食，烤得好靚嘅多士，裡面有煙火雞胸、蕃茄🍅及三種不同嘅沙律菜，有火箭菜、羅馬生菜🥬、同埋羅莎紅沙律菜，配埋希臘乳酪醬，又好味又健康，係我鍾意嘅味道😋。