門面裝潢都好大氣，以黃、金作為主調，頗華麗。而入面空間好大，座位同枱與枱之間既距離都令人感覺舒服，走華麗格調，衛生情況當然都好很多。
睇睇點心紙，幸好係尖沙咀地段，價格都唔會太離地，價格同新式、特式點心鋪差唔多
點心當然好不免蝦餃。
逸翠鮮蝦餃 –特別在有2種餃皮，綠色果款加入左菠菜。開頭我以為係得個樣，但真係食得出淡淡既菠菜味，又幾真材實料WO，蝦唔算大粒，但都幾彈而且肉涵有少許肉汁，都好少見，不錯。
百花饟魚肚 – 好少見既傳統點心，魚肚爽，吸滿汁，就變到好有鮮味。
流沙奶皇包 – 這可是招牌菜喔，熱騰騰的，非常吸引，一打開，流沙即刻流出，半稠而且帶咸香，真的不凡。
鳳爪排骨飯 – 晚飯當然要有飽肚之物
鳳爪、排骨都唔小，平時酒樓只會有2隻鳳爪，呢到有成4隻，飯都有兩倍，性價比高。
