為食龍 (Closed)

今次介紹想食好耐嘅《為食龍》，位於中環區扶手電梯則。餐廳總共有兩層，下層會見到發光嘅彩色招牌Hungry Dino，預先店員會分配一條恐龍鎖匙比你，跟住就可以開始冒險之旅。穿過一條怖滿恐龍裝飾嘅長樓梯，到達第二層。第二層有好多發光燈箱同埋恐龍壁畫，真係好似置身於侏羅紀公園一樣。食物主要係日式嘅壽司，特別在於佢哋係主打腐皮壽司。蟹膏甜蝦 $36蟹膏味道濃郁又帶甜味，相反甜蝦就爽口。黑松露帶子 $38黑松露充滿香味，味濃但又唔會蓋過爽口甘甜嘅帶子。明太子芝士蛋黃三文魚 $36三文魚同芝士一向都好夾，另外醬汁用左蛋黃醬，口感順滑。柚子左口魚 $35左口魚 魚脂味都幾濃厚，而柚子嘅酸味可以中和一下。牛油蒜香赤蝦 $36依款蒜香同埋牛油味好突出，赤蝦都幾大隻。特色卷物西雅圖鬼妹 $80 半份依款其實用左火炙三文魚，加入牛油果同埋蟹柳，最後加淋上甜辣醬，賣相又靚又好食。奶蓋白玉烏龍 $66見到上面嘅一串白玉已經好想打卡，食落煙煙韌韌咁好得龍。奶蓋充滿芝香味又creamy,令到茶香味濃嘅烏龍茶加添甜味。