一坐低就有新鮮熱辣嘅麵包籃
由於好想試鴨脾，平時都多地方有，我哋就散叫😋
蘑菇湯好濃好rich好足料🤤
法式洋蔥湯嘅洋蔥炒得好香，芝士勁厚，厚到有拉絲
鴨肝多士好濃味，多士烘到好脆，值得下次黎再食，侍應有介紹依碟野要整一至兩日先得。估唔到個餐可以包埋
主菜嘅油鴨脾個皮好脆，啲肉一啲都唔乾唔鞋，係餐廳推介我哋試嘅
和牛牛面頰好入味，個汁超濃烈，好高水準
最後生日叫咗個甜品，可能餐廳見我哋慶祝生日，加多咗份量
埋單先知原來仲有8折，一共食左六百幾蚊。好高質好抵食呀
呢度有埋stage有live band 包場慶祝party都得😍
