朋友介紹話呢間火鍋放題好多野食，身為＂為食達人＂嘅我當然要嚟試試啦！一開Lift門，全是紅噹噹，非常有宮庭Feel。餐廳嘅裝修，加上牆上裝飾嘅面譜，令呢餐飯充滿中國藝術氣息～ 篤撑
，今次我揀左$298 任食，首先嚟個微辣雞煲，份量比我想像中多，味道不是死辣那種，令人一舊一舊想接住食。。。
食完雞煲就可以打邊邊，我揀左藥膳養生湯同椰子雞湯。2款湯底用料十足，藥膳湯仲有我最鍾意嘅圓肉，即刻滋補晒！
呢度海鮮選擇都幾多: 鮑魚,廣島蠔, 帶子, 沙白, 脆鯇片等等, size 都唔細, 而且好新鮮, 啱晒海鮮控! 最特別係平時好罕有嘅黑毛肚同豬黃喉，起初我以為係豬嘅喉嚨， 問一問店員先知原來係大動脈血管，有豐富蛋白質，而且係四川火鍋必吃配料，一試發現質地好爽彈，即刻再reorder
除左手機點單，出面仲有好多沙律， 小食，丸類，菜類，飲品，甜品，冰粉，最正係Haagen Dazs 雪糕都有得任食！！
醫飽個肚發現仲有其他野玩，門口位置有一系列漢服可以扮皇帝扮宮女，十分過癮！另外，$298放題餐原來仲包埋可以book房打電動麻雀或者唱Ｋ
，係免費免費免費架！
可惜今次我只得2個人食, 唔夠腳打牌。如果幫襯$168放題，每人都只係加$60，唔止刷餐飽，仲玩餐飽。下次一於約齊腳再攻成
。。。。。。
2
