我叫左 橋壽司 12貫
三文魚、油甘魚、深海池魚、金目鯛、帶子、北寄貝、鉸甲魷魚、赤蝦、日本八爪魚、花之戀、三文魚籽軍艦，海膽軍艦
壽司賣相精美，各種海鮮食材都幾鮮甜，呢個價錢性價比好高，特別推薦赤蝦，鉸甲魷魚，而當中海膽質素都唔錯。
壽司飯粒粒粒分明，飽滿有飯香，黏度適中。
串燒試左兩款
豚肉露荀串，新鮮燒起，熱辣辣，豚肉肉汁豐富，肥瘦均勻。露荀新鮮，咬落水份爆哂出黎，好適合佐酒。
烤鰻魚串，比汁煮鰻魚嘅肉質結實，鰻魚汁香濃，好食。
章魚燒，外脆內軟，配上醬汁，味道不錯。
叫左杯Supporo，雖然用罐裝倒落玻璃杯，仍夠冰凍，夠啤酒泡。
餐廳裝修好有日本居酒屋風格，位置唔算多，晚上大部份都係訂左枱嘅食客，有興趣就最好book定枱啦~
