湯咖哩係自家熬製嘅湯底🍛 可以自選辣度🌶️ 有大 中 小辣
下午茶時段 另送前菜一小碟及飲品 (可選汽水或凍無糖綠茶)
湯質感較稀 係可以直接飲既湯咖哩
但味道沒有變淡 適合飲用 唔似港式咖喱咁傑身咁濃味
除了帶子 仲配以多款蔬菜 有南瓜 薯仔 紅蘿蔔 蓮藕 紅椒 車厘茄 茄子 粟米芯 秋葵等
通常出街食飯 都係多菜少肉 難得呢間餐廳有咁多蔬菜提供
而且唔同蔬菜 有唔同煮的時間
唔會過冧或過硬 食得出係有用心煮的
蔬菜經輕輕煎過後 再放入湯咖哩 吸晒湯底嘅精華😌
美中不足 主食的有白飯 聲稱係日產珍珠米
但食落唔似珍珠米 係普通白米
如果可以揀到湯烏冬 我估會開心D
希望將來有其他主食提供
另外 餐廳有提供專門既湯咖喱食用教學
1) 湯同飯要分開食 唔好將飯倒入湯
2) 先飲一淡湯 感受一下湯咖哩既味道
3) 用湯匙舀一啖飯 放入湯中 等白飯沾上滿滿既咖哩
📍觀塘駿業街56號中海日升中心2樓C號舖
新開張堂食8折 外賣7折
下午茶時段 (3-4pm) 訂枱 App有半價!
而且有大量吉位 唔需要同人迫
無廣告成份 純粹覺得好抵分享下
不過用 訂枱 App優惠要去cashier俾錢 同埋記得問清楚職員先
